Fréttir

Published on

Raddprufum er nú lokið þennan veturinn og við erum mjög ánægð að hafa fengið 11 nýja stráka í kórinn, þar sem við viljum alltaf hafa þéttan og góðan botn í tónlistinni okkar.


Við höldum því glöð inn í haustið, og hlökkum til næstu tónleika sem verða laugardaginn 23. janúar!

Nánari upplýsingar koma síðar. 🥳

Published on

Blundar í þér söngfugl? Ertu alæta á tónlist? Ertu tenór eða bassi? Langar þig að taka þátt í metnaðarfullu og einstaklega skemmtilegu kórstarfi? Ertu 20 ára eða eldri?

Komdu þá í söngprufu hjá Vocal Project núna um helgina.


Við leitum að tenórum og bössum til að bæta í okkar frábæra blandaða hóp.


Sendu okkur póst á vppoppkor@gmail.com til að skrá þig.

Við hlökkum til að heyra í þér, og sjá þig!

Image description
Published on

Tíundi áratugurinn var tími mikillar breiddar og sviptinga í tónlist. Til þess að fara vel á dýptina horfir Vocal Project á G-in þrjú:

Gellupopp

Grunge

og, til þess að flytja okkur milli pólanna, Geislaspilari, að sjálfsögðu með hristivörn.

Undir traustri stjórn Gunnars Ben (úbbs, fjórða G-ið, afsakið) ferðast kórinn um víðan völl níunnar, frá Alice in Chains til Spice Girls, frá Alanis Morissette til Jamiroquai og svo Björk, að sjálfsögðu.


Þemanu er viðhaldið af óhefðbundnum hljóðfæraleik í anda MTV Unplugged. Meðleikarar eru:

Jón Geir Jóhannsson

Kjartan Valdemarsson

Matti Kallio

Sam Pegg

Mætið í rifnum gallabuxum og köflóttri flannelskyrtu, kryddið upp líf ykkar og fyllið allt af ást, því Vocal Project býður í 90s partí!

Miðasala á Tix: https://tix.is/event/21500/

Image description
Published on

Vocal Project heldur heim um hátíðirnar með sinni einstöku blöndu af poppi, rokki og kósíheitum.

Þegar dagsbirtan er hvað minnst og vetrarhátíðirnar nálgast leitar hugurinn alltaf heim - en heim getur verið staður, fólk eða bara tilfinning. Hvað sem heim þýðir fyrir ykkur ætlar kórinn að tjá það með söng.

Undir dyggri stjórn Gunnars Ben verða flutt lög úr ýmsum áttum sem munu þó ávallt leiða okkur heim.

Miðasala: https://tix.is/event/20669

Image description
Published on
Ert þú söngfugl, alæta á tónlist og að leita að einhverju ævintýralega skemmtilegu að gera á þriðjudagskvöldum? Skráðu þig þá í raddprufur Vocal Project!
Við leitum að frábæru fólki í hópinn. Tenórar og bassar eru sérstaklega velkomnir.
Picture
Published on
Blundar í þér söngfugl? Ertu alæta á tónlist? Langar þig að taka þátt í metnaðarfullu og einstaklega skemmtilegu kórstarfi? Ertu 20 ára eða eldri? Komdu þá í söngprufu hjá Vocal Project!
Öll kyn velkomin en bassar og tenórar sérstaklega eftirsóttar raddir.

Til að skrá þig í áheyrnarprufur þarft þú að senda póst á
vppoppkor@gmail.com og við úthlutum þér tíma.
Við hlökkum til að heyra í þér, og sjá þig þriðjudagskvöldið 27. ágúst!
Picture
Published on
Vocal Project - poppkór Íslands fagnar sumrinu með geysihressum tónleikum í Gamla Bíói. Í þetta skiptið er innblásturinn hvorki meira né minna en Hollywood og Broadway. Frá gömlum klassískum slögurum úr Mary Poppins, Les Misérables og West Side Story til nýklassíkera úr smiðju Tim Minchin, Lin-Manuel Miranda og Billie Eilish getum við lofað því að þið fáið ekki færri en fimm lög á heilann!

Einnig verða á dagskrá þau lög sem við munum flytja í kórakeppninni Cracovia Cantans í Kraká í sumar. Við höfum lagt hart að okkur við æfingar fyrir þessa keppni og hlökkum til að leyfa ykkur að heyra.

Miðasala er hafin á Tix:
https://tix.is/is/event/17233/ljos-kamera-aksjon-/
Published on
Sumarhappdrætti 2024
Við höfum hafið sölu á miðum í seinna happdrætti þessa vetrar. Kórinn er að fara í keppnisferð til Krakow í Póllandi 10. júní, sem átti að verða 2020 en ekkert varð úr útaf soltlu - eins og sagt er. 🙂
Svona ferð kostar talsvert og því treystum við á fjáraflanir, og stærsta fjáröflunin eru happdrættin tvö.
Verð miða er aðeins 2.000 krónur, og má nálgast miðana hjá kórmeðlimum eða í gegnum netfangið VocalProjectFjaroflun@gmail.com
Vinningar eru ekki af verri endanum og vinningaskrá má sjá undir flipanum HAPPDRÆTTI hér efst til hægri.
Published on
Í dag hefjum við sölu á miðum í Jólahappdrætti Vocal Project. Við erum að fara í keppnisferð til Krakow í Póllandi í Júní 2024, sem átti að verða 2020 en ekkert varð úr - útaf soltlu, eins og sagt er. 🙂
Svona ferð kostar talsvert og því treystum við á fjáraflanir, en sú fyrsta formlega er Jólahappdrættið.
Verð miða er aðeins 2.000 krónur, og má nálgast miðana hjá kórmeðlimum eða í gegnum netfangið VocalProjectFjaroflun@gmail.com
Vinningar eru ekki af verri endanum og vinningaskrá má sjá undir flipanum HAPPDRÆTTI hér efst til hægri.
Picture
Published on
Vocal Project - Poppkór Íslands málar bæinn hvítan og fagnar því að það er komin vetrartíð. Fjölbreytt dagskrá úr ýmsum áttum, sum ísköld, önnur dúnmjúk. En rauði þráðurinn út í gegn: það snjóar. Leyfið einum skemmtilegasta kór landsins að syngja ljúfa vetrarstemningu í hjarta ykkar!
Miðasala er hafin á Tix:
https://tix.is/is/event/16610/-a-snjoar/
Picture

Flokkar

    No tags found.